डूबलै चन्दा भेलै भोर - छठि'पूजा गीत (Duble Chanda Bhaile Bhor - Chhath Geet)

डूबलै चन्दा भेलै भोर - छठि'पूजा गीत

डूबलै चन्दा भेलै भोर - छठि'पूजा गीत (Duble Chanda Bhaile Bhor - Chhath Geet)

जल्दी जल्दी ऊगू हे दिवाकर डूबलै चन्दा भेलै भोर  

शीत जलमे ब्रतीगण कँपै छै करियौ सुखकेँ संघोर ..

अरघकेँ बेर भेलै झटैक'केँ अबियौ 

छैठघाटे भीड़ भेलै दरस देखबियौ 

गंगाकाते एली छठीमैया जननी जन मन बिभोर ..

दीप लेसि आशा ताकै धीया बेटी मुनियाँ 

सूपकेँ सजाकेँ रखली नैकी दुलहिनियाँ  

दीन दुखी हेरै छै किरिनियाँ दीनानाथ करू ने इजोर ..

कोनियाँमे साँचे शोभै सूपेमे टिकरिया 

डाला शोभै फ'ले फूले लहठी रे सिनुरिया  

हरू हरू दुखकेँ अन्हरिया हाथ'जोइर पड़ै शिव गोर ..

• चला भऊजी हाली हाली लिरिक्स
• दर्शन देखाई दीही लिरिक्स - छठ गीत
• उगा हे सूरज देव लिरिक्स
• आठ ही काठ के कोठरिया हो दीनानाथ
• जोड़े जोड़े फलवा सुरुज देव
• पहिले पहिल हम कईनी
• कबहू ना छूटी छठ लिरिक्स

डूबलै चन्दा भेलै भोर (Chhath Geet)

गीतकार : शिव कुमार झा टिल्लू 

स्वर : माधवी मधुकर झा