देवी माहात्म्यं दुर्गा सप्तशति नवमोऽध्यायः (Devi Mahatmya Shree Durga Saptashati Navam Adhyaya)

देवी माहात्म्यं दुर्गा सप्तशति नवमोऽध्यायः

देवी माहात्म्यं दुर्गा सप्तशति नवमोऽध्यायः (Devi Mahatmya Durga Saptashati Navam Adhyaya)

निशुम्भवधोनाम नवमोध्यायः ॥

ध्यानं

ॐ बन्धूक काञ्चननिभं रुचिराक्षमालां

पाशाङ्कुशौ च वरदां निजबाहुदण्डैः ।

बिभ्राणमिन्दु शकलाभरणां त्रिनेत्रां-

अर्धाम्बिकेशमनिशं वपुराश्रयामि ॥

राजौवाच॥1॥

विचित्रमिदमाख्यातं भगवन् भवता मम ।

देव्याश्चरितमाहात्म्यं रक्त बीजवधाश्रितम् ॥ 2॥

भूयश्चेच्छाम्यहं श्रोतुं रक्तबीजे निपातिते ।

चकार शुम्भो यत्कर्म निशुम्भश्चातिकोपनः ॥3॥

ऋषिरुवाच ॥4॥

चकार कोपमतुलं रक्तबीजे निपातिते।

शुम्भासुरो निशुम्भश्च हतेष्वन्येषु चाहवे ॥5॥

हन्यमानं महासैन्यं विलोक्यामर्षमुद्वहन्।

अभ्यदावन्निशुम्बोऽथ मुख्ययासुर सेनया ॥6॥

तस्याग्रतस्तथा पृष्ठे पार्श्वयोश्च महासुराः

सन्दष्टौष्ठपुटाः क्रुद्धा हन्तुं देवीमुपाययुः ॥7॥

आजगाम महावीर्यः शुम्भोऽपि स्वबलैर्वृतः।

निहन्तुं चण्डिकां कोपात्कृत्वा युद्दं तु मातृभिः ॥8॥

ततो युद्धमतीवासीद्देव्या शुम्भनिशुम्भयोः।

शरवर्षमतीवोग्रं मेघयोरिव वर्षतोः ॥9॥

चिच्छेदास्ताञ्छरांस्ताभ्यां चण्डिका स्वशरोत्करैः।

ताडयामास चाङ्गेषु शस्त्रौघैरसुरेश्वरौ ॥10॥

निशुम्भो निशितं खड्गं चर्म चादाय सुप्रभम्।

अताडयन्मूर्ध्नि सिंहं देव्या वाहनमुत्तमम्॥11॥

ताडिते वाहने देवी क्षुर प्रेणासिमुत्तमम्।

शुम्भस्याशु चिच्छेद चर्म चाप्यष्ट चन्द्रकम् ॥12॥

छिन्ने चर्मणि खड्गे च शक्तिं चिक्षेप सोऽसुरः।

तामप्यस्य द्विधा चक्रे चक्रेणाभिमुखागताम्॥13॥

कोपाध्मातो निशुम्भोऽथ शूलं जग्राह दानवः।

आयातं मुष्ठिपातेन देवी तच्चाप्यचूर्णयत्॥14॥

आविद्ध्याथ गदां सोऽपि चिक्षेप चण्डिकां प्रति।

सापि देव्यास् त्रिशूलेन भिन्ना भस्मत्वमागता॥15॥

ततः परशुहस्तं तमायान्तं दैत्यपुङ्गवं।

आहत्य देवी बाणौघैरपातयत भूतले॥16॥

तस्मिन्नि पतिते भूमौ निशुम्भे भीमविक्रमे।

भ्रातर्यतीव सङ्क्रुद्धः प्रययौ हन्तुमम्बिकाम्॥17॥

स रथस्थस्तथात्युच्छै र्गृहीतपरमायुधैः।

भुजैरष्टाभिरतुलै र्व्याप्या शेषं बभौ नभः॥18॥

तमायान्तं समालोक्य देवी शङ्खमवादयत्।

ज्याशब्दं चापि धनुष श्चकारातीव दुःसहम्॥19॥

पूरयामास ककुभो निजघण्टा स्वनेन च।

समस्तदैत्यसैन्यानां तेजोवधविधायिना॥20॥

ततः सिंहो महानादै स्त्याजितेभमहामदैः।

पुरयामास गगनं गां तथैव दिशो दश॥21॥

ततः काली समुत्पत्य गगनं क्ष्मामताडयत्।

कराभ्यां तन्निनादेन प्राक्स्वनास्ते तिरोहिताः॥22॥

अट्टाट्टहासमशिवं शिवदूती चकार ह।

वैः शब्दैरसुरास्त्रेसुः शुम्भः कोपं परं ययौ॥23॥

दुरात्मं स्तिष्ट तिष्ठेति व्याज हाराम्बिका यदा।

तदा जयेत्यभिहितं देवैराकाश संस्थितैः॥24॥

शुम्भेनागत्य या शक्तिर्मुक्ता ज्वालातिभीषणा।

आयान्ती वह्निकूटाभा सा निरस्ता महोल्कया॥25॥

सिंहनादेन शुम्भस्य व्याप्तं लोकत्रयान्तरम्।

निर्घातनिःस्वनो घोरो जितवानवनीपते॥26॥

शुम्भमुक्ताञ्छरान्देवी शुम्भस्तत्प्रहिताञ्छरान्।

चिच्छेद स्वशरैरुग्रैः शतशोऽथ सहस्रशः॥27॥

ततः सा चण्डिका क्रुद्धा शूलेनाभिजघान तम्।

स तदाभि हतो भूमौ मूर्छितो निपपात ह॥28॥

ततो निशुम्भः सम्प्राप्य चेतनामात्तकार्मुकः।

आजघान शरैर्देवीं कालीं केसरिणं तथा॥29॥

पुनश्च कृत्वा बाहुनामयुतं दनुजेश्वरः।

चक्रायुधेन दितिजश्चादयामास चण्डिकाम्॥30॥

ततो भगवती क्रुद्धा दुर्गादुर्गार्ति नाशिनी।

चिच्छेद देवी चक्राणि स्वशरैः सायकांश्च तान्॥31॥

ततो निशुम्भो वेगेन गदामादाय चण्डिकाम्।

अभ्यधावत वै हन्तुं दैत्य सेनासमावृतः॥32॥

तस्यापतत एवाशु गदां चिच्छेद चण्डिका।

खड्गेन शितधारेण स च शूलं समाददे॥33॥

शूलहस्तं समायान्तं निशुम्भममरार्दनम्।

हृदि विव्याध शूलेन वेगाविद्धेन चण्डिका॥34॥

खिन्नस्य तस्य शूलेन हृदयान्निःसृतोऽपरः।

महाबलो महावीर्यस्तिष्ठेति पुरुषो वदन्॥35॥

तस्य निष्क्रामतो देवी प्रहस्य स्वनवत्ततः।

शिरश्चिच्छेद खड्गेन ततोऽसावपतद्भुवि॥36॥

ततः सिंहश्च खादोग्र दंष्ट्राक्षुण्णशिरोधरान्।

असुरां स्तांस्तथा काली शिवदूती तथापरान्॥37॥

कौमारी शक्तिनिर्भिन्नाः केचिन्नेशुर्महासुराः

ब्रह्माणी मन्त्रपूतेन तोयेनान्ये निराकृताः॥38॥

माहेश्वरी त्रिशूलेन भिन्नाः पेतुस्तथापरे।

वाराहीतुण्डघातेन केचिच्चूर्णी कृता भुवि॥39॥

खण्डं खण्डं च चक्रेण वैष्णव्या दानवाः कृताः।

वज्रेण चैन्द्री हस्ताग्र विमुक्तेन तथापरे॥40॥

केचिद्विनेशुरसुराः केचिन्नष्टामहाहवात्।

भक्षिताश्चापरे कालीशिवधूती मृगाधिपैः॥41॥

॥ स्वस्ति श्री मार्कण्डेय पुराणे सावर्निके मन्वन्तरे देवि महत्म्ये निशुम्भवधोनाम नवमोध्याय समाप्तम् ॥

आहुति

ॐ क्लीं जयन्ती साङ्गायै सशक्तिकायै सपरिवारायै सवाहनायै महाहुतिं समर्पयामि नमः स्वाहा ॥

देवी माहात्म्यम् / दुर्गा सप्तशती - 

• देवी माहात्म्यम्
• दुर्गा सप्तशती
• सप्तश्लोकी दुर्गा: श्रीदुर्गासप्तशती
• श्रीदुर्गासप्तशती: श्रीदुर्गाष्टोत्तरशतनामस्तोत्रम्
• देवी माहात्म्यम्: श्री दुर्गा कवच
• श्रीदुर्गासप्तशती - अर्गलास्तोत्रम्
• देवी माहात्म्यं - श्रीदुर्गासप्तशती: अर्गला स्तोत्रम्
• श्रीदुर्गासप्तशती - कीलकम् स्तोत्रम्
• देवी माहात्म्यं दुर्गा सप्तशति प्रथमोऽध्यायः
• देवी माहात्म्यं नवावर्ण विधि
• देवी माहात्म्यं दुर्गा सप्तशति द्वितीयोऽध्यायः
• देवी माहात्म्यं दुर्गा सप्तशति तृतीयोऽध्यायः
• देवी माहात्म्यं दुर्गा सप्तशति चतुर्थोऽध्यायः
• देवी माहात्म्यं दुर्गा सप्तशति पञ्चमोऽध्यायः
• देवी माहात्म्यं दुर्गा सप्तशति षष्ठोऽध्यायः
• देवी माहात्म्यं दुर्गा सप्तशति सप्तमोऽध्यायः
• देवी माहात्म्यं दुर्गा सप्तशति अष्टमोऽध्यायः
• देवी माहात्म्यं दुर्गा सप्तशति नवमोऽध्यायः
• देवी माहात्म्यं दुर्गा सप्तशति दशमोऽध्यायः
• देवी माहात्म्यं दुर्गा सप्तशति एकादशोऽध्यायः
• देवी माहात्म्यं दुर्गा सप्तशति द्वादशोऽध्यायः
• देवी माहात्म्यं दुर्गा सप्तशति त्रयोदशोऽध्यायः
• देवी माहात्म्यं दुर्गा द्वात्रिंशन्नामावलि
• देवी माहात्म्यं मङ्गल नीराजणम्
• देवी माहात्म्यं चामुण्डेश्वरी मङ्गलम्
• श्री महाकाली स्तोत्रं
• श्रीदुर्गासप्तशती - वेदोक्तं रात्रिसूक्तम्
• श्रीदुर्गासप्तशती - तन्त्रोक्तं रात्रिसूक्तम्
• श्रीदुर्गासप्तशती - श्रीदेव्यथर्वशीर्षम्
• श्रीदुर्गासप्तशती - श्रीदुर्गामानस पूजा
• श्रीदुर्गासप्तशती - मूर्तिरहस्यम्
• श्रीदुर्गासप्तशती - वैकृतिकं रहस्यम्
• श्रीदुर्गासप्तशती - प्राधानिकं रहस्यम्
• श्रीदुर्गासप्तशती - तन्त्रोक्तं देवीसूक्तम्
• श्रीदुर्गासप्तशती - ऋग्वेदोक्तं देवीसूक्तम्
• श्रीदुर्गासप्तशती - क्षमा प्रार्थना स्तोत्रम्
• दुर्गा सप्तशती: सिद्धकुञ्जिकास्तोत्रम्
• देवी माहात्म्यं - अपराध क्षमापणा स्तोत्रम्

Chapter-9 | Shree Durga Saptashati | Navam Adhyaya | Devi Mahatmya | Navratri Durga Paath

Singer: Amrita Chaturvedi Upadhyay

Lyrics: Traditional (Version: Shree Durga Saptashati, Gita Press)

Music: Rohit Kumar (Bobby)

Flute: Pt. Ajay Shankar Prasanna